រស្មីបាំ្រមួយពណ៌ (ធម៌ដាក់ទង់សាសនា)

ក្រុមយើងអ្នកកាន់សាសនា                ត្រូវដឹងច្បាស់ថាព្រះពុទ្ធជិន​ស្រី

ទ្រង់មានឆព្វណ្ណរង្សី                  គឺព្រះរស្មីទាំងប្រាំមួយពណ៌។

ផ្សាយចេញពីព្រះកាយទ្រង់               រុងរឿងរិទ្ធិរុងប្រសើរបវរ

ឆ្វៀលឆ្វាត់កាយឆើតឆាយល្អ        ទាំងប្រាំមួយពណ៌ស្រស់ល្អសោភា។

កំណើតនៃព្រះរស្មី                     កើតដោយបារមី នៃព្រះភគវា

ធើ្វទានឥតមានរុញរា                 កាលដែលនៅជាព្រះពោធិសត្វ។

រស្មីពណ៌ខៀវនោះណា              កាលឆ្កៀលនេត្រាទ្រង់ដោយចិត្តកាត់

ឪ្យទានដល់ឥន្ទពា្រហ្មណ៍ពិត        កាលនៅជាក្សត្រនាមស្រីភិរាស្រ្ត។

រស្មីពណ៌លឿងភ្លឺថ្លា                    កាលដែលទ្រង់អារសាច់ផែធើ្វមាស

បិទពុទ្ធរូបភ្លឺឳភាស                   ព្រះឥន្ទជាងមាសទ្រង់វ័យបណ្ឌិត។

រស្មីក្រហមនោះណា                   កាលដែលមាតាពស់ខាំស្លាប់ពិត

បុទុម ស៊ូប្ដូរជីវិត                              កាត់បេះដូងបិទធើ្វថ្នាំមាតា។

រស្មីពណ៌ស សុទ្ធសាធ         កាលដែលព្រះបាទ វេស្សន្ដរក្សត្រា

ឪ្យដំរីសសោភា                               ដល់ព្រាហ្មណ៍ប្រាថ្នាយកពោធិញាណ។

រស្មីពណ៌ ដូចជើងហង្ស             កាលមាតាទ្រង់យក្សឆក់យកបាន

វិជ្ជាធរអារសាច់ប្រាណ               ឪ្យយក្សសាមាន្យស៊ីប្ដូរជីវិត។

រស្មីពណ៌ ផ្លេកពណ្ណរាយ             កើតជាទន្សាយ ឈ្មោះសោមបណ្ឌិត

ឪ្យទានសាច់ឈាមជីវិត             ដល់ឥន្ទព្រាហ្មណ៍ពិតថា ឥតអាហារ។

រស្មី ខៀវលឿងក្រហម               ស ហង្សស្បាតព្រមពណ៌ផេ្លកអស្ចារ្យ

ត្រូវជាប្រាំមួយប្រការ                 ទាំងចាស់កុមារ ចងចាំទុកអើយ។

(ព្រះរាជនិពន្ធដោយ សមេ្តចសង្ឃរាជ ជួន ណាត)