Friday, May 19, 2023

សង្ឃស័ព្ទ

ចម្រើនពរលោកអ្នកអានទាំងឡាយ !

ខាងក្រោមនេះ ជាបណ្ដាពាក្យខ្លះៗ ដែលប្រើសម្រាប់ប្រាស្រ័យទាក់ទងជាមួយព្រះសង្ឃ ហៅថាសង្ឃស័ព្ទ ឬ សមណស័ព្ទ ៖

«អំបោស»និង«អំបោះ»មានន័យខុសគ្នាស្រឡះ!

រវាង«អំបោស»និង«អំបោះ»ពាក្យទាំងពីរនេះ អាចធ្វើឲ្យអ្នកអានយល់ច្រឡំពីអត្ថន័យ ប្រសិនបើជាអ្នកអានមិនយកចិត្តទុកដាក់។ វចនានុក្រមសម្តេចព្រះសង្ឃរាជ ជួន ណាត បានបញ្ជាក់នូវនិយមន័យខុសគា្ននូវពាក្យទាំងពីរនេះ។ ពាក្យ «អំបោស»មានន័យថា ជាប្រដាប់សម្រាប់បោស។ ឧទាហរណ៍៖ អំបោសស្លាបសត្វ។ រីឯ ពាក្យថា «អំបោះ»គឺមានន័យថា សរសៃសំឡី ដែលរវៃរួច មានប្រវែងវែងៗ សម្រាប់ត្បាញសំពត់ជាដើម។ ឧទាហរណ៍៖ អំបោះឆៅ, សំពត់អំបោះ៕

«លិខិតប័ណ្ណ»និង«ខិត្តប័ណ្ណ»តើពាក្យណាត្រឹមត្រូវ?

សាធារណជនមួយចំនួនមិនទាន់យល់ច្បាស់ថា រវាងពាក្យ «លិខិតប័ណ្ណ»និង«ខិត្តប័ណ្ណ» តើប្រើពាក្យណាត្រឹមត្រូវ? វចនានុក្រមសម្តេចព្រះសង្ឃរាជ ជួន ណាត បានបញ្ជាក់ថា ពាក្យដែលត្រឹមត្រូវគឺ«ខិត្តប័ណ្ណ»មានន័យថាសំបុត្រដែលគេបោះបាច ឬចែកផ្សាយ ដើម្បីឲ្យដឹងពីដំណឹងអ្វីមួយ។ ឧទាហរណ៍៖ ឈរចែកខិត្តប័ណ្ណឲ្យសិស្សានុសិស្សអំពីកម្មវិធីសិក្សា និងអាហារូបករណ៍៕

«លំអៀង»និង«លម្អៀង»ពាក្យណាត្រឹមត្រូវ?

សាធារណជនមួយចំនួននៅតែមិនទាន់កំណត់បានថា រវាងពាក្យ«លំអៀង»និង«លម្អៀង»តើពាក្យណាត្រឹមត្រូវឡើយ។ វចនានុក្រមសម្តេចព្រះសង្ឍរាជ ជួន ណាត បានបញ្ជាក់ពាក្យទាំងពីរនេះគឺត្រឹមត្រូវដូចគ្នា អាចសរសេរជា«លំអៀង»ឬ«លម្អៀង»ក៏បាន។ ពាក្យ «លំអៀង»និង«លម្អៀង»មានន័យថា ធ្វើឲ្យល្អៀង ,ឲ្យផ្អៀងទៅរកម្ខាងជាងម្ខាងទៀត(ចំពោះតែផ្លូវចិត្ត)។ ឧទាហរណ៍៖ ចៅក្រមកាត់ក្តីលំអៀង, ម្តាយលម្អៀងណាស់ស្រឡាញ់តែកូនស្រី៕

«ភាន់»និង«ភ័ន្ត»ពាក្យណាត្រឹមត្រូវ?

អ្នកអានមួយចំនួននៅតែមិនទាន់កត់សម្គាល់ថាពាក្យមួយណាត្រឹមត្រូវ ឬពាក្យមួយណាខុសឡើយ។ យោងតាមវចនានុក្រមសម្តេចព្រះសង្ឃរាជ ជួន ណាត បានបញ្ជាក់នូវពាក្យទាំងពីរនេះ គឺត្រឹមត្រូវដូចគ្នា អាចសរសេរ ជា «ភាន់»ឬ«ភ័ន្ត»ក៏បាន។ ប៉ុន្តែគ្រាន់តែពាក្យ «ភាន់»អ្នកអាននិយមសរសេរជាងពាក្យ «ភ័ន្ត»។ ដែល«ភាន់»និង«ភ័ន្ត»មានន័យថា ភាន់ភាំង, ស្រឡាំងកាំង, ភាន់ច្រឡំ។ ឧទាហរណ៍៖ ភាន់គំនិត, ភាន់សា្មរតី៕

«ស្នើ»,«សូម» និង«សុំ» សម្រាប់ប្រើក្នុងន័យណា?

សាធារណជនខ្លះមិនបានចាប់អារម្មណ៍រវាងពាក្យ «ស្នើ»,«សូម» និង«សុំ»ថាមានអត្ថន័យខុសគ្នាបែបណាឡើយ។ នៅក្នុងវចនានុក្រមសម្តេចព្រះសង្ឃរាជ ជួន ណាត បានបញ្ជាក់ពាក្យទាំងអស់នេះមានអត្ថន័យខុសគ្នា ហើយការប្រើប្រាស់ក៏ខុសគ្នាដែរ។ «ស្នើ»មានន័យថា សួរឲ្យដឹងមុន, ពិគ្រោះ ឬប្រឹក្សាយោបល់ជាមុនសិន។ ឧទាហរណ៍៖ រដ្ឋមន្ត្រីក្រសួងបរិស្ថានបានស្នើឲ្យប្រជាពលរដ្ឋចូលរួមថែរក្សាធម្មជាតិ និងបរិស្ថាន។ ម្យ៉ាងវិញទៀតពាក្យ «ស្នើ»នេះគឺប្រើជាមួយនឹងឥស្សរជន គឺក្រាប បង្គំទូល, ក្រាបទូល, ទូល, ជម្រាប ឲ្យដឹងជាមុនសិន។ «សូម»មានន័យថា វាចាដែលបញ្ចេញ ឬសម្តែងឫកពាឲ្យគេធ្វើតាមអ្វីដែលខ្លួនចង់បាន ឬត្រូវការ ដូចជា សូមមេត្តា, សូមអធ្យាស្រ័យ, សូមអភ័យទោស។ ឧទាហរណ៍៖ សូមអធ្យាស្រ័យ!ជួយទិញកាហ្វេឲ្យខ្ញុំបន្តិចមក។

Monday, January 01, 2018

«ស្រែស»និង«ស្រែះ»ខុសគ្នាដូចម្តេច?

ពាក្យ «ស្រែស»និង«ស្រែះ»មានសូរសព្ទដូចគ្នា តែអត្ថន័យផ្សេងគ្នា។ «ស្រែស»សំដៅលើ ស្រួយខ្លាំង។ ចំណែក«ស្រែះ»សំដៅលើ ចាក់ចេសប្រទាក់ឆ្វាក់ញឹកជាក្រឡាល្អិតៗ។ វចនានុក្រមសម្តេចព្រះសង្ឃរាជ ជួន ណាតបានពន្យល់ពាក្យ «ស្រែស»មានន័យថា ស្រួយខ្លាំង។ ឧទាហរណ៍៖ នំដំឡូងបារាំងស្រួយស្រែសគួរឲ្យចង់ញុំា។ ជាទូទៅ«ស្រែស»ប្រើរួមផ្សំជាមួយសម្ដី មានន័យថា សម្តីស្រួយស្រែស, សម្តីស្រួយច្បាស់លាស់។ ចំណែក«ស្រែះ»គឺសំដៅលើចាក់ចេសប្រទាក់ឆ្វាក់ញឹកជាក្រឡាល្អិតៗ។ ឧទាហរណ៍៖ ស្រែះសំពត់ធ្លុះ។ ម្យ៉ាងវិញទៀតពាក្យ«ស្រែះ»ជាឈ្មោះអាវ ឬកន្សែងជាដើម ដែលស្រែះជាក្រឡាល្អិតៗ មានដូចជា អាវស្រែះ , កន្សែងស្រែះ។ ចំពោះពាក្យ«ស្រែះ»នេះដែរ សម្រាប់សម្គាល់ឈ្មោះផ្សិតស្រែះដែលជាផ្សិតពុលដែលមិនអាចបរិភោគបាន៕

«អោប»និង«ឱប»ពាក្យណាត្រឹមត្រូវ?

ជាការពិតសរសេរជាពាក្យ«ឱប»ទើបត្រឹមត្រូវ។ វចនានុក្រុមសម្តេចព្រះសង្ឃរាជ ជួន ណាត ពាក្យ «ឱប»មានន័យថា យកដៃទាំងពីរព័ទ្ធរួបចូលដិតដល់ទ្រូង, ឈរឱបដៃ, ឱបរឹត, អង្គុយឱបក្បាលជង្គង់។ ឧទាហរណ៍៖ អាកាសធាតុត្រជាក់ យកដៃទាំងពីរឱបនឹងទ្រូង៕

ពីនេះ ពីនោះ / មិនយល់...!ពាក្យ«ញ៉ុម» គ្មានក្នុងវចនានុក្រមខ្មែរឡើយ!

ក្នុងរយៈពេលថ្មីៗនេះនៅក្នុងបណ្តាញសង្គម សង្កេតឃើញមានសាធារណជននិយមប្រើពាក្យ «ញ៉ុម»ដោយជំនួសពាក្យ «ខ្ញុំ»ទៅវិញ។ ប៉ុន្តែត្រូវចងចាំឲ្យច្បាស់ថាពាក្យដែលត្រឹមត្រូវនោះគឺ «ខ្ញុំ»។ តាមវចនានុក្រមសម្តេចព្រះសង្ឃរាជ ជួន ណាត «ខ្ញុំ»មានន័យថា សម្ដីដែលសាមីខ្លួនហៅខ្លួនឯង។ ឧទាហរណ៍៖ ខ្ញុំសុំឈប់សម្រាកមួយថ្ងៃ ព្រោះតែខ្ញុំឈឺ។ ចំណែកឯពាក្យ «ញ៉ុម»មិនមាននៅក្នុងវចនានុក្រមខ្មែរឡើយ៕

Wednesday, March 19, 2014

ពីនេះ ពីនោះ / មិនយល់...!«ហឺរ»«ហិរ»និង«ហឹរ»ពាក្យណាត្រឹមត្រូវ?

សាធារណជនខ្លះនៅតែសរសេរពាក្យទាំងអស់នេះដោយមិនដឹងថាពាក្យមួយណាត្រឹមត្រូវឡើយ។ រវាង«ហឺរ»,«ហិរ»និង«ហឹរ»តើពាក្យណាត្រឹមត្រូវ? វចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ថា ពាក្យដែលត្រឹមត្រូវគឺ «ហឹរ» ដែលមានន័យថា ដែលមានក្លិនផ្សាក្តៅឆួល ដូចជារសម្ទេសខ្មាំង ឬម្រេច។ ឧទាហរណ៍៖ មីហឹរ Seoul ៧កម្រិត៕

ANT Dictionary 2010

Download

ប្រភពពី: http://copy4share.blogspot.com/2012/10/ant-dictionary-2010.html

ANT Dictionary V.2

អ្នកទាំងអស់គ្នាប្រហែលជាធ្លាប់បានស្គាល់រួមមកហើយនូវ កម្មវិធី វចនានុក្រម ANT។ សម្រាប់លើកនេះខ្ញុំសូមណែនាំនូវកំណែថ្មីរបស់វចនានុក្រមនេះគឺ ANT Dictionary V.2 Personal Free Edition។

លក្ខណៈពិសេសនៃកម្មវិធីនេះ៖

អង់គ្លេស-អង់គ្លេស មានប្រហែល ១២៩០០០ អត្ថន័យ
អង់គ្លេស-ខ្មែរ មានប្រហែល ៦០០០០ អត្ថន័យ
ខ្មែរ-អង់គ្លេស មានប្រហែល ៦៩០០០ អត្ថន័យ
ខ្មែរ-ខ្មែរ យកតាមវចនានុក្រមសម្តេច ព្រះសង្ឃរាជ ជួនណាត ជោតញ្ញណោ
មានបន្ថែម និងផ្លាស់ប្តូររូបភាពក្នុង វចនានុក្រមរូបភាព មានជាង ២២០០ អត្ថន័យ

អ្នកអាចទទួលបាននូវកម្មវិធីនេះដោយឥតគិតថ្លៃតាមរយះ៖

http://www.megaupload.com/?d=BX1Z3CKD
http://www.megaupload.com/?d=BDTA0LLI
http://www.megaupload.com/?d=D16E69V4
http://www.megaupload.com/?d=6JPT2B4B
http://www.megaupload.com/?d=44EWHTZM
http://www.megaupload.com/?d=JEDC5VOP
http://www.megaupload.com/?d=XC9LAADZ

ANT Dictionary

Wow! Now you can download the new ANT Dictionary that we was waiting for a long time before. With the new of Khmer ANT Dictionary v1.0. You will be love it. Enjoy to download it!

Note: After you download to all of part of the dictionary, please extra them in one folder with WinRAR than you will be able to see the software with you download .
Parth 1
Parth 2
Parth 3
Parth 4
បន្ទាប់ពីអ្នកបានទាយយកកម្មវិធីរួចហើយសូមអនុវត្តតាមជំហានខាងក្រោមដើម្បីពន្លាតកម្មវិធីនេះបញ្ចូលគ្នា៖
សូមទាកនូវផ្នែកទាំង ៧ របស់កម្មវិធីដាក់បញ្ចូលក្នុង ថតឯកសារ តែមួយ រួចប្រើ WinRAR សម្រាប់ពន្លាត ដោយចុចកណ្តុរ ស្តាំជ្រើសយក Extra here។

ប្រសិនបើអ្នកជួបនូវបញ្ហាសូមទំនាក់ទំនងមកកាន់ ០៧០ ២១៦ ៨៩៧ រាល់ម៉ោងទំនេរពីការសិក្សា
អ្នកអាចប្រើកម្មវិធី Mipony ដើម្បីជួយទាញយកកម្មវីធីឲ្យអ្នកបាន
http://4kunkhmer.wordpress.com/2010/10/30/mipony-your-best-friend-when-you-download-is-here/

Sunday, March 16, 2014

វចនានុក្រមខ្មែរ Online អាចបកប្រែបានច្រើនជាង ៣០ភាសា

ឥឡូវនេះអ្នកអាចបកប្រែភាសាជាង៣០ភាសានៅលើពិភពលោក មកជាភាសាខ្មែរដោយឥតគិតថ្លៃ៖
This dictionary application’s based on several existing Khmer Language Dictionaries and other online sources.

ហេតុអ្វីត្រូវប្រើវចនានុក្រមនេះ?

គ្រាន់តែចុចពីរដងទៅលើពាក្យដែលអ្នកចង់បកប្រែ ដោយពុំចាំបាច់បើកនូវកម្មវិធីវចនានុក្រម ឬក៏សៀវភៅវចនាក្រមទេ
អាចបកប្រែបានជាង ៣០ភាសានៅលើពិភពលោក
ពាក្យថ្មីៗត្រូវបានបន្ទាន់សម័យដោយស្វ័យប្រវត្តិ
មិនតម្រូវឱ្យតំឡើងកម្មវិធីវចនានុក្រមដែលមានទំហំធំៗ ឬក៏មានអាជ្ញាប័ណ្ណកម្មសិទ្ធិបញ្ញានោះទេ វាឥតគិតថ្លៃ ១០០% ។

របៀបតំឡើងវចនានុក្រមនេះ

កម្មវិធីនេះដំណើរការនៅលើ Firefox ហើយនិង Internet Explorer 8 និង9

សម្រាប់ Firefox:

ចុចទីនេះដើម្បីតំឡើងវា វាគឺមានទំហំតិចជាង ២០០KB
ចាប់ផ្តើមនូវ Firefox browser ឡើងវិញ
ពេលនេះវាដំណើរការ ១០០%

សម្រាប់ Internet Explorer 8 និង 9:

ចុចទីនេះដើម្បីដំឡើងវា

របៀប្រើប្រាស់វចនានុក្រមនេះនៅលើ Browser របស់អ្នក

គ្រាន់តែចុចពីរដងទៅលើពាក្យនីមួយក្នុង Firefox ឬ Internet Explorer វានិងបកប្រែពាក្យពីភាសាផ្សេងៗដោយស្វ័យប្រវត្តិមកជាភាសាខ្មែរ ។
មួយម៉្យាងវិញទៀតអ្នកអាចជ្រើសយកពាក្យខ្លះ ហើយចុចខាងស្តាំដើម្បីជ្រើសយកម៉ីនុយរបស់របរ “Khmer Translate(G)” ។

ចុចទីនេះដើម្បីមើលរូបភាពបង្ហាញ៖ Screenshot1 (Firefox) Screenshot2 (Firefox) Screenshot3 (IE) Screenshot4 (IE)

សូមមើលផងដែរ៖

Friday, October 11, 2013

«ប្រោស»និង«ប្រោះ»មានន័យខុសគ្នាដូចម្តេច?

រវាងពាក្យ«ប្រោស»និង«ប្រោះ» មានសូរសព្ទដូចគ្នា តែន័យផ្សេងគ្នា។ ពាក្យ«ប្រោស»សំដៅលើ ការអនុគ្រោះ, សេចក្តីមេត្តាប្រណី។ ចំណែក «ប្រោះ»សំដៅលើ រលាស់ទឹក។ វចនានុក្រមសម្តេចព្រះសង្ឃរាជ ជួន ណាត បានពន្យល់ពាក្យ «ប្រោស»មានន័យថា ជាសេចក្តីអនុគ្រោះ, រាប់អានដោយមេត្តាប្រណី, សេចក្តីស្រោចស្រង់។ ឧទាហរណ៍៖ ប្រោសប្រាណ ប្រោសឲ្យមានជីវិត។ ចំណែកពាក្យ «ប្រោះ»មានន័យថា រលាស់ទឹករឿយៗ ដោយផ្ទាត់នឹងម្រាមដៃ ឬដោយចម្រៀកស្លឹកចេក, ចម្រៀកស្លឹកឬស្សី ឬចម្រៀកផ្តៅ ជាដើម។ ឧទាហរណ៍៖ ប្រោះទឹកក្រអូប, ប្រោះទឹកអប់។ នេះបើផ្អែកលើវចនានុក្រមសម្តេចព្រះសង្ឃរាជ ជួន ណាតដដែល៕