អំពើហិង្សាក្នុងគ្រួសារ គឺជាប្រធានបទមួយ ដែលគេកំពុងយកចិត្ដទុកដាក់យ៉ាងខ្លំាងនៅឡើយ។
តើអំពើហិង្សាក្នងគ្រសារច្រើនតែកើតឡើង ដោយសារមូលហេតុអ្វី?
តើយើងគួរធ្វើយ៉ាងដូចម្ដេច ដើម្បីទប់ស្កាត់នៅបញ្ហាទំាងនោះ?
ព្រោះនៅក្នុងគ្រួសារដែលតែងតែកើតមាននូវអំពើហិង្សាគ្រួសារនោះគ្មានសុភមង្គលកូនៗបាត់បង់ នូវភាពកក់ក្ដៅប្រឈមមុខនឹងការលែងលះគ្នានិងជាពិសេសធ្វើអោយកូនៗ របស់ពួកគេបាត់នូវ ការសិក្សាជីវភាពកាន់តែយ៉ាប់យឺនទៅៗ។
អំពើហិង្សាក្នុងគ្រួសារ គឺជាអំពើទាំងឡាយណា ដែលធ្វើអោយមានផលប៉ះពាល់ រូបរាងកាយ ឬសតិអារម្មណ៏ របស់បុគ្គលណាម្នាក់នៅក្នុងគ្រួសារអាចជាប្ដី ប្រពន្ធ ឬកូន ឬអ្នកដែលរស់នៅ ក្រោមដំបូងផ្ទះតែមួយ ឬក្រោមបន្ទុកនៃគ្រួសារនោះ ។
អំពើហិង្សា វាមានផលប៉ះពាល់យ៉ាងធ្ងន់ធ្ងរ ទៅលើសតិអារម្មណ៏ និងបូរណភាពរាងកាយ របស់ ជនរងគ្រោះ។ ទោះជាអំពើនោះមិនបានបង្ករបូស ឬបានបង្ករបួស ក៏ដោយក៏វាជាកាយវិកាដែល មិនល្អសំរាប់សង្គមគ្រួសារដែរ។
ជនរងគ្រោះ នៃអំពើហិង្សាក្នុងគ្រួសារភាគ ច្រើនគឺជាប្រព័ន្ធ និងកូនៗ ជាពិសេសស្រ្ដី គឺជាអ្នក ដែលប្រឈមមុខខ្លាំងបំផុតទៅនឹងអំពើទាំងអស់នោះហើយ នឹងទទួលរង នូវការមើលងាយពី អ្នកជិតខាងនិងបងប្អូនសាច់ញាតិរបស់គេ។ នេះក៏ជាមូលហេតុមួយផងដែរ ដែលធ្វើអោយស្រ្ដី បាត់បង់នូវតំលៃនៅក្នុងសង្គមគ្រួសារ។