កំណាព្យៈ ខឹងខុសខូចខាត

អ្វីៗចេះតែកន្លងផុតទៅ                                   រឿងរ៉ាវអាស្រូវកើតជាបន្ត

ត្រកូលធ្លាប់មានអាចក្លាយជាក្រ                    អ្នកខូចអ្នកល្អស្លាប់ទាល់តែអស់។

អ្នកធ្លាប់ស្រលាញ់ស្លាប់ឥតរើសមុខ             ទាំងម្តាយឪពុកស្លាប់សែនស្រណោះ

ជីវិតសូន្យទៅនៅសល់តែឈ្មោះ                   ដូច្នេះអ្នករស់ត្រូវមេត្តាគ្នា ។

ចិត្តអើយអើយចិត្តចូរចងចាំចុះ                      ខឹងខូចខឹងខុសខាតគ្រប់វេលា

ពេលខឹងម្តងៗស្ទើរឈឺស្ទើរជា                      ខឹងនាំគ្រាំគ្រាដុតតែចិត្តឯង ។

ជនអ្នកមានសីលមានចិត្តល្អថ្លា                     ជនមានបញ្ញាចេះគិតកោតក្រែង

បើខឹងម្តងៗឈឺតែខ្លួនឯង                              ខឹងនាំចំបែងគួរពិចារណា ។

និពន្ធដោយឧបាសក គុយ សុធន

ប្រភពពី:http://wacambodian.wordpress.com/