ធ្វើជាឪពុកគេ

 ធ្វើជាឪពុកគេ

1- ទទួលខុសត្រូវលើគ្រួសារ

ខិតខំរកប្រាក់ចំណូលដើម្បីផ្គត់ផ្គង់កូនប្រពន្ធ មិនថាតាមរយៈការងារ  ឬរកសុី កុំខ្ជះខ្ជាយលុយលើរបស់មិនចាំបាច់។

2- អត់ធ្មត់

ពេលកូនធ្វើខុស ឬប្រពន្ធមានបញ្ហា និយាយដោយស្ងប់ស្ងាត់ជាជាងស្រែក ឬដៃធ្ងន់។ បើកូនមិនស្តាប់ ពន្យល់ឱ្យគេយល់ជាជាងដាក់ទោសភ្លាម អត់ធ្មត់នឹងការលំបាក ពេលគ្រួសារជួបវិបត្តិ កុំឆាប់បោះបង់។

3- ចំណាយពេលជាមួយកូន

ធ្វើជាគំរូដល់កូន ដោយបង្រៀនគេធ្វើកិច្ចការខ្លះ និងរៀនគោរពចាស់ទុំ។ ស្តាប់រឿងរ៉ាវរបស់កូន ដើម្បីបង្កើតភាពស្និទ្ធស្នាល។

4- គាំទ្រប្រពន្ធ

ជួយប្រពន្ធក្នុងកិច្ចការផ្ទះបើអាចធ្វើបាន ដូចជា ជួយលាងចាន ឬមើលកូនពេលនាងរវល់ បង្ហាញថាអ្នកជាដៃគូ គោរព ផ្តល់តម្លៃនាង និងមិនធ្វើអ្វីដែលបំផ្លាញទំនុកចិត្ត។

5- បង្រៀនសីលធម៌

ប្រាប់កូនឱ្យចេះសុជីវធម៌ ចេះនិយាយ និងចៀសវាងធ្វើទម្លាប់មិនល្អ។

6- ការពារគ្រួសារ

ធ្វើឱ្យគ្រួសារមានអារម្មណ៍ថាមានសុវត្ថិភាព ទាំងផ្លូវកាយ និងផ្លូវចិត្ត។ ធ្វើជាគំរូរឹងមាំ ប៉ុន្តែមិនមែនជាការបង្ខំ ឬធ្វើឱ្យគេខ្លាចទេ។

7- សម្របខ្លួន

បើនៅសម័យនេះ ឪពុកគួរលើកទឹកចិត្តកូនឱ្យរៀនសូត្រ  ព្រោះការអប់រំសំខាន់សម្រាប់អនាគតគ្រួសារ។ ចេះប្រើបច្ចេកវិទ្យា ឬរៀនអ្វីថ្មីៗ ដើម្បីជួយគ្រួសារឱ្យរីកចម្រើន។

ធ្វើជាឪពុកមិនមែនគ្រាន់តែជាអ្នករកលុយទេ តែក៏ជាអ្នកបង្ហាញផ្លូវដល់កូនៗផង គាត់ក៏ត្រូវជួយរក្សាកេរ្តិ៍ឈ្មោះគ្រួសារ ធ្វើជាគំរូ ជាទីពឹង ថែរក្សាសម្រាប់គ្រួសារ។