សម្ដេចព្រះព្រហ្មរតនមុនី ពិន សែម សិរីសុវណ្ណោ

 

សម្ដេចព្រះព្រហ្មរតនមុនី ពិន សែម សិរីសុវណ្ណោ

បានប្រាប់ប្រជាពុទ្ធបរិស័ទ​ និងសាធារណៈជនកុំយល់ច្រឡំប្រើ​ព្រះរាជសព្ទ​ ជាមួយសម្ដេច។

សម្តេច​ មានព្រះថេរដីកាបន្តដូច្នេះ ទៀតថា ៖​

ទោះបីអាត្មាឡើងគោរមងារទីសម្ដេចព្រះព្រហ្មរតនមុនី​

ក៏ដោយ សូមរក្សាការប្រើប្រាស់ពាក្យសង្ឃស័ព្ទជាមួយព្រះអង្គនៅតែរក្សាដដែល ហាមដាច់ខាតប្រើពាក្យរាជស័ព្ទដែលនាំឱ្យខុស ។

សូមបញ្ជាក់ថា៖ទោះបីជាទីសម្តេចនៃ​ពុទ្ធចក្រមានច្រេីនព្រះអង្គ​ ចំពោះព្រះសង្ឃទាំងពីរគណៈក៏ដោយ​ ពាក្យរាជស័ព្ទ​ប្រេីប្រាស់បាន​ លុះត្រាតែ​ ព្រះករុណា​ ព្រះមហាក្សត្រ​ ជាទីគោរពសក្ការៈដ៏ខ្ពង់ខ្ពស់បំផុត​ ប្រោសព្រះរាជទាន​ ដោយព្រះរាជក្រឹត្យ​ ទេីបមានបុព្វសិទ្ធិក្នុងប្រេីប្រាស់ជាផ្លូវការបាន​ ។

សព្វថ្ងៃនេះ​ ពាក្យរាជស័ព្ទចេញដោយព្រះរាជក្រឹត្យ ប្រោសព្រះរាជទាន​ អាចប្រើបានមានតែ សម្តេច៣ព្រះអង្គតែប៉ុណ្ណោះ​ គឺ៖

១. សម្ដេច​ព្រះ​អគ្គ​មហា​សង្ឃ​រាជាធិបតី​កិត្តិ​ឧទ្ទេស​បណ្ឌិត ​ទេព វង្ស

សម្តេចព្រះមហា​សង្ឃរាជ​ គណមហានិកាយ

២. សម្តេចព្រះអភិសិរីសុគន្ធា មហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហា​សង្ឃរាជ គណៈធម្មយុត្តិកនិកាយ

៣. សម្តេចព្រះមហាសុមេធាធិបតីកិត្តិឧទ្ទេសបណ្ឌិត នន្ទ ង៉ែត សម្តេចសង្ឃនាយក នៃព្រះរាជាណាចក្រកម្ពុជា

សម្ដេចៗក្រៅពីហ្នឹង គឺប្រើប្រាស់ពាក្យសង្ឃស័ព្ទសាមញ្ញធម្មតាដូចពាក្យថា និមន្ដ ឆាន់ សិង គង់ ជាដើម។ល។

អាស្រ័យដូចនេះ សូមពុទ្ធបរិស័ទជ្រាប !

សូមអរគុណ !