ទិវាគ្រូបង្រៀន

លោកគ្រូអ្នកគ្រូត្រូវបានគេអោយតម្លៃប្រៀបបីដូចជាឱពុកម្តាយទីពីរ ពីព្រោះតែគាត់បាន
ខិតខំប្រឹងប្រែង ហាត់ពត់លត់ដុំកូនសិស្សទំាងអស់គ្នា ដោយមិនខ្លាចនឿយហាត់និង
ព្យាយាមយ៉ាងណាអោយកូនៗទំាងអស់គ្នាមានអនាគតល្អ។

ថៃ្ងនេះគឺជាថៃ្ងពុធទី០៥ខែតុលាឆ្នាំ២០១១ គឺជាទិវាគុណគ្រូហើយក៏ថៃ្ងពិសេសសំរាប់
កូនសិស្សទំាងអស់គ្នាអាចសម្តែងទឹកចិត្តថ្លែងអំនរអរគុណជូនលោកគ្រូអ្នកគ្រូដែល
គាត់ធ្លាប់បង្រៀន និងអប់រំអ្នកទំាងអស់គ្នា រហូតមកដល់មានពេលដូចសព្វថៃ្ងនេះ។
ប្រសិនជាគ្មានការអប់រំពីលោកគ្រូអ្នកគ្រូ កូនៗទំាងអស់គ្នា ក៏គ្មានថៃ្ងនេះដែរ។
ដូច្នេះក្នុងនាមអ្នកទំាងអស់គ្នាជាសិស្សមួយរូបដែលធ្លាប់ទទួលបានការអប់រំ
ពីលោកគ្រូអ្នកគ្រូ តើលោកអ្នកនិងត្រៀមធើ្វអី្វខ្លះសំរាប់គាត់នៅក្នុងថៃ្ងដ៏វិសេសនេះ?

ម្តាយខំពរពោះ៩ខែ១០ថ្ងៃទើបផ្តល់កំនើតអោយកូនៗទំាងលំបាក និងឈឺចាប់ ប៉ុន្តែរូបគាត់ពុំបានត្អូញត្អែប្រាប់កូនៗអោយបានដឹងឡើយ។ លុះកូនៗអាយុបាន៦ឆ្នាំ គឺជាពេលវេលាដែលកូនៗទំាងអស់គ្នាបានចូលសាលារៀន ដើម្បីទទួលបានការអប់រំ និងទទួលបានចំនេះវិជ្ជា។

គុណគ្រូ
បទពាក្យប្រាំពីរ
មធ្យមភាគខ្វះចោទថាគ្រូ                                                                               មិនចេះគិតគូរខំបង្រៀន
គ្រូមានពុធត្បុតលាក់ល្បិចល្បៀន                           កូនចៅទៅរៀនគ្មានចេះអី។
គេថាគ្រូខ្សោយថាគ្រូអន់                    ថាគ្រូទំរន់ មិនឃ្មាតខី្ម
ពិសោធន៍ពទ្ធិក៏នៅខ្ចី                                          ក្អេងក្អាងពីរបីគ្មានដឹងដប់។
កូនរៀនពូកែបែរជាថា                                   មីនាងអាវ៉ាប៉ិនប្រសព្វ
កាត់ពូមាមីងឯងគួរកប់                                 កូនអញសំណព្វមិនបាច់ខ្វល់។
កូនអញសមដូចពាក្យទំយើ                                   សឹ្លកឈើជ្រុះមិនឆ្ងាយគល់
រៀនសូត្រចេះឯងមិនបាច់ខ្វល់                              ឆ្លាតតាមកេរសល់តពីពូជ។
តាមពិតគុណូបការៈ                                            គ្រូធ្ងន់អនេកគ្មានប្រដូច
គ្រូខំខ្នះខ្នែងអោយចាករួច                                      ពីក្លិនអសោចអវិជ្ជា៕ http://camnews.com.kh

កំនាព្យដកស្រង់ចេញពីអត្ថបទលោក កែវ ប៊ុនធឿន
រៀបរៀងអត្ថបទដោយ ខេមរៈ