ចូលបែងចែកទ្រព្យសម្បត្តិអោយបាន ៤ ចំណែក

 

ហេតុអ្វីបានជាយើងចាំបានចែកទ្រព្យសម្បត្តិជា ៤ ចំណែក?  នៅពេល​​ដែល​​អ្នក​បាន​អាននូវ​ ៤​ចំនុចខាងក្រោម អ្នកនឹងបានយល់ជាមិនខាន ថាហេតុអ្វី​ចាំ​បាច់​ត្រូវ​ធ្វើ​បែប​នេះ? ការបែងចែទ្រព្យសម្បត្តិពិតជាសំខាន់​សម្រាប់ជីវិតរស់នៅរបស់អ្នក។

១. សងបំណុលចាស់៖ ការចិញ្ចឹមអ្តាបិតា​ដែលជាអ្នកមានគុណលើល​លប់ មិន​អាច​កាត់ថ្ងៃបាន។  លោកបានចំណាយពេលវេលា ទ្រព្យសម្បត្តិ កម្លាំងកាយចិត្ត និង អាយុ​ជីវិតដើម្បីយើង។ ដូច្នេះអ្នកត្រូវសងគុណលោកវិញ តាមរយៈការផ្តល់បច្ច័យ​៤ ជូន​លោក គឺ សង់ផ្ទះសមរម្យជូនលោកទាំងពីរ ផ្តត់ផ្គង់ថ្នាំសង្កូវជូនលោកទាំងពីរ ផ្តល់អាហារ ទទួលទានគ្រប់គ្រាន់ជូនលោកទាំងពីរ ផ្តល់​សម្លៀប​បំពាក់​តាម​រដូវ​កាល​លោក​​ទាំងពីរ។

២. សងបំណុលថ្មី៖ គឺចិញ្ចឹមកូនក្រោយរៀបការ ហើយអ្នកនឹងមានកូន ហើយ​កាតព្វកិច្ចដែលយើងត្រូវធ្វើចំពោះកូនប្រុសស្រី គឺ ត្រូវយកចិត្តទុកដាក់ ចិញ្ចឹមថែរក្សា​បីបាច់កូន ផ្តល់ចំណីអាហារ ផ្តល់សម្លៀកបំពាក់ ជួយទំនុកបម្រុងកូនអោយបាន​សិក្សា​ រៀនសូត្រ ចែកទ្រព្យសម្បត្តិអោយកូន សម្រាប់ធ្វើដើមទុននៅថ្ងៃអនាគត៌។

៣. បោះក្នុងជ្រោះជ្រៅ៖ ចិញ្ចឹមខ្លួនឯង និង ភរិយា ឬ ស្វាមី ក៏ជាបន្ទុកមួយដ៏​ធ្ងន់​ធ្ងរដែរ ហើយត្រូវរកប្រាក់ដើម្បីចិញ្ចឹមខ្លួនឯងឲ្យបានដោយ​ឯករាជ្យ មិនគួរឲ្យអ្នកដ៏ទៃ​ជួយរហូតទេ មិនអាចអោយឪពុកម្តាយទទួលរ៉ាប់រងយើងទៀតទេ  មិនគួរគិតថា ឲ្យប្តី ឬប្រពន្ធទៅរកស៊ីចិញ្ចឹមខ្លួនទេ គួរចេះរកស៊ីចិញ្ចឹមខ្លួនឯងឲ្យរួច ហើយជួយចិញ្ចឹម​ប្រពន្ធ ឬ ប្តី កូនវិញទើបល្អ។

៤. កប់ទុកក្នុងដី៖ គឺ បរិច្ចាគទាន កុំរស់នៅដើម្បីតែជាតិនេះ ត្រូវខំកសាងកុសល​ផលបុណ្យ ឬ សេចក្តីល្អទុកសម្រាប់ជាតិក្រោយៗផង ដូចជាធ្វើបុណ្យធ្វើទាន កសាង​ផ្លូវថ្នង់ ស្ពាន សាលារៀន ជាដើម។